E D U L O G

Ish-haqi — Kadrlar bo’limi > Ish-haqi

Bu bo’lim xodimlarning oylik ish-haqini hisoblaydi. Filialni, Oyni, Yilni tanlang va “Izlash” tugmachasini bosing.

 

Natijada xodimlarning ish-haqi holati ko’rsatilgan ro’yhati paydo bo’ladi. Ish-haqi 3 holatga ega:

  • Yaratilmagan;
  • Yaratilgan;
  • To’langan.

Holatlarga bog’liq holda Amallar ustunida har xil tugmachalar chiqadi.  Agar holat “Yaratilmagan”  bo’lsa, tugmacha nomi “Ish haqi yaratish” bo’ladi. Agar holat “Yaratilgan” bo’lsa, tugmacha “Ish haqini to’lash” bo’ladi. Agar holat “To’langan” bo’lsa, tugmacha “Hisob-kitob varaqasini ko’rish bo’ladi”. Agar holat “Yaratilgan” yoki “To’langan” bo’lsa, siz amallarni bekor qilib oldinga holatga qaytishingiz mumkin.

Endi “Ish haqini yaratish” tugmachasini bosing, xodimga ish haqi hisoblash uchun uning sahifasi ochiladi.

Bu sahifada xodim ma’lumotlari, davomati va ish-haqi bloklari ko’rsatilgan. Ish-haqi blokidagi “Jami” bo’limida avtomatik ravishda talabalar soni va abonement narxidan kelib chiqqan holda umumiy oylik ish-haqi hisoblangan.

Xodim roli o’qituvchi bo’lgan holda “Jami” bo’limi hisoblanadi, boshqa hollarda u nolga teng. 

Ko’pchilik o’quv markazlarda o’qituvchilarga oylik hisoblashda u dars o’tgan guruh o’quvchilar to’lovi yigindisining kelishilgan foizi hisoblanadi.

Aytaylik o’qituvchi 20 to o’quvchiga dars o’tdi. Oylik to’lov 300 000 so’m. O’quv markazi bilan 50% ga kelishilgan bo’lsa, o’qituvchi oy oxirida 3000 000 so’m ish-haqi oladi.

Foizni kiriting. So’ngra “Hisoblash” tugmachasini bosing. Natijada toza oylik hisoblanadi. “Saqlash” tugmachasini bosing.

Endi yana bir marta “Ish-haqi” sahifasini oching, mazkur hodimning kerakli oy uchun ish-haqi holatini tekshirib ko’ring. U “yaratilgan” bo’lishi, tugmachadagi so’z esa “To’lovga kirishish”ga o’zgargan bo’lishi kerak.

Ish-haqini xodimga to’lash uchun mazkur tugmachani bosing, “To’lovga kirishish” modal oynasi ochiladi.

Bu oynada To’lov shakli, To’lov sanasini kiriting va “To’lash” tugmachasini bosing.

Tugmacha bosilgandan so’ng, modal oyna yopiladi.

Yuqoridagi amallardan so’ng, xodim uchun to’langan ish-haqi holati “To’langan, tugmachadagi so’z “Hisob varaqasini ko’rish” ga almashdi. Hisob varaqasini ko’rish va chop etish uchun, “Hisob varaqasini ko’rish” tugmachasini bosing.

Hisob-kitob varaqasini printerdan chiqarib o’qituvchiga bersangiz bo’ladi.

Ish –haqi hisoboti — Kadrlar bo’limi > Ish-haqi hisoboti ni oching. Bu sahifada kerakli oy uchun xodimlarning ish-haqi to’grisidagi hisobot shakllantiriladi.

Filial, Oy, Yilni tanlang va “Izlash” tugmachasini bosing.

Bu hisobotni jadvaldagi maxsus tugmachalar yordamida Excel, PDF formatlarida o’zingizga yuklab olishingiz yoki printerda chop etishingiz mumkin.

O'xshash maqolalar